Azərbaycan respublikasının dövlət rəmzləri

AZƏRBAYCAN RESPUBLİKASININ DÖVLƏT RƏMZLƏRİ
Maddə 23. Azərbaycan dövlətinin rəmzləri
(Konstitusiya maddəsi)
I. Azərbaycan Respublikasının dövlət rəmzləri Azərbaycan Respublikasının Dövlət bayrağı, Azərbaycan Respublikasının Dövlət gerbi və Azərbaycan Respublikasının Dövlət himnidir.
II. Azərbaycan Respublikasının Dövlət bayrağı bərabər enli üç üfüqi zolaqdan ibarətdir. Yuxarı zolaq mavi, orta zolaq qırmızı, aşağı zolaq yaşıl rəngdədir və qırmızı zolağın ortasında bayrağın hər iki üzündə ağ rəngli aypara ilə səkkizguşəli ulduz təsvir edilmişdir. Bayrağın eninin uzunluğuna nisbəti 1:2-dir.
III. Azərbaycan Respublikası Dövlət bayrağının və Azərbaycan Respublikası Dövlət gerbinin təsviri, Azərbaycan Respublikası Dövlət himninin musiqisi və mətni Konstitusiya qanunu ilə müəyyən edilir.
Bayraq

Azərbaycanın üçrəngli dövlət bayrağı ilk dəfə 1918-ci il noyabr ayının 9 - da Azərbaycan Xalq Cümhuriyyəti hökümətinin qərarı ilə qəbul edilmişdir. 1920-ci ilin 28 aprelində Xalq Cümhuriyyəti süqut etdikdən və Sovet hakimiyyəti qurulduqdan sonra Azərbaycanda bu bayraqdan imtina edilmişdir. Bu bayraq ikinci dəfə 1990-cı il noyabrın 17-də Naxçıvan Muxtar Respublikası Ali Məclisinin qərarı ilə bərpa edilmiş və Muxtar Respublikanın dövlət bayrağı kimi qəbul edilmişdir. Naxçıvan Muxtar Respublikasının Ali Məclisinin həmin sessiyasında Azərbaycan SSR Ali Sovetinin qarşısında üçrəngli bayrağın Azərbaycanın rəsmi dövlət rəmzi kimi tanınması haqqında vəsadət qaldırılmişdır. 1991-ci il fevral ayının 5-də Azərbaycan Respublikası Ali Soveti Naxçıvan Muxtar Respublikası Ali Məclisinin vəsadətinə baxmış və üçrəngli bayrağın Azərbaycanın dövlət bayrağı kimi qəbul edilməsi haqqında qərar vermişdir. Картинки по запросу azerbaycanin atributlari
    Gerb

Azərbaycanın dövlət gerbi haqqında Azərbaycan Xalq Cümhuriyyəti höküməti 1920-ci il yanvarın 30-da müsabiqə elan etmiş və müsabiqədən keçərək gerb nümunəsinin həmin ilin may ayının 28-də qəbul edilməsi haqqında qərar qəbul etmişdir. Lakin 1920-ci il aprel ayının 28-də Azərbaycanda Xalq Cümhuriyyətinin süqut etməsi nəticəsində gerb qəbul edilməmişdir. 1990-ci il noyabrın 17-də Naxçıvan Muxtar Respublikası Ali Məclisi dövlət gerbi ilə bağli yeni müsabiqə elan etmişdir. 1993-cü il yanvar ayının 19-da Azərbaycan Respublikasının Ali Soveti Dövlət Gerbi haqqında KonstitusiyaQanunu qəbul
Похожее изображениеetmişdir.       
Azərbaycan Respublikasının Dövlət Himni
Musiqisi: Üzeyir Hacıbəyov 
Sözləri: Əhməd Cavad

Azərbaycan, Azərbaycan! 
Ey qəhrəman övladın şanlı Vətəni! 
Səndən ötrü can verməyə cümlə hazırız! 
Səndən ötrü qan tökməyə cümlə qadiriz! 
Üçrəngli bayrağınla məsud yaşa! 
Minlərlə can qurban oldu, 
Sinən hərbə meydan oldu! 
Hüququndan keçən əsgər! 
Hərə bir qəhrəman oldu! 
Sən olasan gülüstan, 
Sənə hər an can qurban! 
Sənə min bir məhəbbət 
Sinəmdən tutmuş məkan! 
Namusunu hifz etməyə, 
Bayrağını yüksəltməyə, 
Cümlə gənclər müştaqdır! 
Şanlı Vətən, Şanlı Vətən! 
Azərbaycan, Azərbaycan!

Bu blogdaki popüler yayınlar

9 Noyabr- Azərbaycan Respublikasının Dövlət Bayrağı günüdür.

Resim
                                               Azərbaycan Respublikasının Dövlət Bayrağı Günü. Bu gün Azərbaycan tarixində üçrəngli bayrağın dövlət rəmzi olaraq qəbul olunduğu gündür. 1918-ci il iyunun 24-də Azərbaycan Xalq Cümhuriyyəti (AXC) Hökümətinin fərmanı ilə Azərbaycanın üzərində ağ aypara və ağ səkkizguşəli ulduz əks edilmiş qırmızı parçadan hazırlanmış dövlət bayrağı qəbul edildi. Daha sonra noyabr ayının 9-da həmin bayraq göy, qırmızı və yaşıl rənglərdən ibarət, üzərində ağ aypara və səkkizguşəli ulduz olan üçrəngli bayraqla əvəz edildi. Müstəqil Azərbaycanın dövlət bayrağındakı 3 rəngin ifadə etdiyi məna və XX əsrin əvvələrində milli ideologiyamızın əsasını təşkil edən " Türkçülük, islamçılıq və müasirlik " təliminin müəllifi böyük mütəfəkkir, tanınmış yazıçı və şair, məşhur həkim, bənzərsiz publisist və tərcüməçi kimi şöhrət qazanmış Əli bəy Hüseynza...
Devamı

Azərbaycan haqqında maraqlı faktlar

1. Dünyada ilk müasir neft quyusu Bakıda, Bibi-Heybətdə qazılıb. 2.Görkəmli Azərbaycan müğənnisi Rəşid Behbudovun repertuarında 30-a yaxın Bakı haqqında mahnı var idi. 3. Neft Daşları qədim dəniz neft platforması kimi Ginnesin rekordlar kitabına daxildir. 4. Tovuz və Göygöl şəhərlərinin əsasını almanlar qoyub və əvvəllər onların adı – Traubenfeld və Yelenendorf idi. 5. Azərbaycan ilk müsəlman ölkəsi idi ki, qadınlara da kişilərlə bərabər siyasi hüquqlar verilirdi. 6. Sovet İttifaqında ilk dəfə Bakıda qatar işə salınmışdı. 7. 20-ci əsrin əvvəllərində Bakıda bütün dünyada əldə edilən neftin 50%-i əldə edilirdi. İkinci Dünya Müharibəsi zamanı isə Bakı sovet ordusunu neftlə təmin edərək, onun tələbatının 85%-ni ödəmişdi. 8. Ziya Bünyadov keçmiş Sovet İttifaqının yeganə alim-akademiki idi ki, II dünya müharibəsi illərində intizam batalyonunun komandiri olmuşdur. 9. Müsəlman şərqində ilk musiqili opera məhz Bakıda tamaşaya qoyulmuşdu. Bu opera isə “Leyli və Məcnun” operası i...
Devamı

Azərbaycan tarixi

Resim
Şimaldan - Baş Qafqaz dağları, qərbdən - Göyçə gölü hövzəsi də daxil olmaqla Alagöz dağ silsiləsi və Şərqi Anadolu, şərqdən - Xəzər dənizi, cənubdan isə Sultaniyyə-Zəncan-Həmədan hüdudları ilə əhatə olunan tarixi Azərbaycan torpaqları müasir sivilizasiyanın inkişafına başladığı ən qədim mədəniyyət mərkəzlərindən biridir. Azərbaycan xalqı bu ərazidə - tarixi Azərbaycan torpaqlarında zəngin və özünəməxsus bir mədəniyyət, o cümlədən dövlətçilik ənənələri yaratmışdır. Azərbaycan adının tarixi tələffüzü cürbəcür olmuşdur. Qaynaqlarda bu ad qədimdən başlayaraq Andirpatian, Atropatena, Adirbican, Azirbican və nəhayət, Azərbaycan şəklində işlənmişdir. Azərbaycan qədim tarixi arxeoloji, etnoqrafik, antropoloji və yazılı qaynaqlar əsasında yazılır. Arxeoloji qazıntılar zamanı aşkar edilmiş əşyalar Azərbaycanın maddi-mədəniyyət tarixini öyrənməyə imkan vermişdir. Tarixi qaynaqlar və ekspedisiyalar zamanı toplanan etnoqrafik materiallar əsasında adət-ənənələr, maddi-mənəvi mədəniyyət, keçmiş i...
Devamı